Descrición xeral dos axustes do teléfono
Coñeza os axustes do seu teléfono de xeito que poida personalizalos segundo as
súas necesidades.
rede sen fíos
Permite activar ou desactivar a conexión Wi-Fi®, buscar redes
Wi-Fi® dispoñibles ou engadir a rede Wi-Fi®.
Bluetooth
Permite activar ou desactivar a conexión por Bluetooth™,
buscar dispositivos Bluetooth™ dispoñibles e facer que o
teléfono sexa visible ou non visible para outros dispositivos
Bluetooth™.
Uso de datos
Permite activar ou desactivar o tráfico de datos móbiles e
seguir os detalles de uso de datos nun período de tempo
específico.
Máis...
Permite activar ou desactivar o modo Avión, configurar os
axustes de redes VPN e móbiles e activar o teléfono para
compartir a súa conexión de datos móbiles como punto de
conexión Wi-Fi® portátil ou usando o móbil como ancoraxe do
USB ou Bluetooth™.
Axustes de
chamada
Permite xestionar e configurar os axustes de números de
marcación fixa, correo de voz e chamadas da Internet.
Son
Permite configurar o xeito en que o teléfono soa, vibra e emite
alertas ao recibir comunicacións. Tamén pode usar estes
axustes para establecer o volume da música, do vídeo, dos
xogos ou doutros ficheiros multimedia con son e fixar outros
axustes relacionados.
Pantalla
Permite activar a pantalla do teléfono para cambiar a
orientación ao xirar o teléfono. Tamén pode axustar o brillo, o
tamaño da fonte, o fondo e o tempo de espera da pantalla.
Almacenamento
Permite comprobar o espazo libre dispoñible no
almacenamento interno do seu teléfono e na tarxeta SD.
Tamén pode eliminar o contido da tarxeta SD ou detela para
extraela de xeito seguro.
Batería
Permite ver o estado da batería do teléfono. Tamén pode ver
canto tempo dura a batería do teléfono e como consomen
enerxía da batería as diferentes aplicacións.
Aplicacións
Permite xestionar aplicacións en execución, aplicacións
descargadas e aplicacións na tarxeta SD.
Xperia™
Permite configurar o modo de conexión USB, o tipo de
conexión de rede e os axustes da Internet. Tamén cómpre
activar as características de Facebook nas aplicacións.
Contas e
sincronización
Permite activar o teléfono para sincronizar datos coas contas
de sincronización que engada.
Servizos de
localización
Permite activar ou desactivar o servizo de localización de
Google, os satélites GPS e Localización e Busca Google.
Seguridade
Permite protexer o teléfono axustando diferentes bloqueos e
contrasinais. Tamén pode permitir a instalación de aplicacións
que non sexan de Google Play™.
112
Esta é a versión en liña desta publicación. © Só se pode imprimir para uso persoal.
Idioma e entrada
Permite seleccionar o idioma do teléfono, axustar as opcións
de entrada de texto, engadir palabras a un dicionario persoal e
configurar os axustes de voz.
Copia de seg. e
restabl.
Permite efectuar copias de seguridade dos datos e restablecer
o teléfono.
Data e hora
Permite axustar a hora e a data ou escoller os valores
fornecidos pola rede. Permite seleccionar o formato de data e
hora que prefira.
Accesibilidade
Permite activar os servizos de accesibilidade instalados e
establecer os axustes relacionados.
Opcións para quen
desenvolva
Permite establecer opcións para o desenvolvemento de
aplicacións. Por exemplo, pode amosar o uso da CPU na
pantalla do teléfono e respostas visuais aos toques. Tamén
pode axustar o teléfono para iniciar o modo de depuración
cando está conectado o USB.
Verbo do teléfono
Permite ver información sobre o teléfono, como o número de
modelo, a versión do firmware, o número e o sinal do teléfono.
Tamén pode actualizar o software á versión máis recente.